Prizrenasi arrestohet për posedim dhe shitje të narkotikëve

16:17 | 30 Tetor 2018
Arbresh.info

Drejtoria për Hetimin e Trafikimit me Narkotikë e Prizrenit ka realizuar një operacion policor, me urdhëresë të Gjykatës Themelore në Prizren, me ç’rast është bërë arrestimi i një personi të dyshuar.

Operacioni policor është bazuar nën dyshimin për kryerjen e veprës penale ‘blerja, posedimi, shpërndarja dhe shitja e paautorizuar e narkotikëve, substancave, psikotrope dhe analoge’, ku Policia e Kosovës ka realizuar bastisje në shtëpinë e të dyshuarit të arrestuar.

I dyshuari i arrestuar në këtë rast është: L. Gj. (1986) ku gjatë kontrollit në lokacionin e caktuar janë gjetur dhe janë sekuestruar: nëntë paketime të mbështjella me qese plastike me substancë dyshuar narkotike të llojit marihuanë me peshë të përgjithshme rreth 3 kg e 670 gramë dhe një revole pa karikator.

Me urdhër të prokurorit të Shtetit, i dyshuari i lartcekur është dërguar në ndalim policor në stacionin policor në Prizren.

 

Shpërndaje në rrjete sociale

Lajmet më të lexuara

Të ngjashme

Foto lajm